ഗുരുവായൂരിലെ കൃഷ്ണനാട്ടം

കൃഷ്ണനാട്ടം, കേരളത്തിലെ ഒരു പ്രധാന അനുഷ്ടാന കലാരൂപമാണ്, ഇത് ഭഗവാൻ കൃഷ്ണന്റെ ജീവിതത്തെ ആസ്പദമാക്കി ഗുരുവായൂർ ക്ഷേത്രവുമായി ബന്ധപ്പെട്ടാണ് രൂപപ്പെട്ടത്. 17-ആം നൂറ്റാണ്ടിൽ, കോഴിക്കോട് രാജാവായിരുന്ന സാമൂതിരി മാനവേദരാജാവിന്റെ കീഴിലാണ് ഈ കലാരൂപം രൂപം കൊണ്ടത്. ഭഗവാൻ കൃഷ്ണന്റെ ജീവിതത്തിലെ വിവിധ ഭാഗങ്ങളെ ഭംഗിയാർന്ന വേഷങ്ങളും നൃത്തവും സംഗീതവും സംയോജിപ്പിച്ചാണ് കൃഷ്ണനാട്ടം അവതരിക്കപ്പെടുന്നത്. കൃഷ്ണനാട്ടം എട്ട് കളികൾ ആയാണ് അവതരിപ്പിക്കപ്പെടുന്നത്.ഇവ ഭഗവാൻ കൃഷ്ണന്റെ ജീവിതത്തിന്റെ ആദ്യം മുതൽ അവസാനംവരെ അടങ്ങിയിരിക്കുന്നു. “അവതാരം”, “കാളിയമർദ്ദനം”, “രാസക്രീഡ”, “കംസവധം”, “സ്വയംവരം”, “ബാണയുദ്ധം” “വിവിധ വധം “, “സ്വർഗ്ഗാരോഹണം” എന്നിവയാണിവ.

കൃഷ്ണനാട്ടത്തിന്റെ പ്രധാന സവിശേഷതകളിലൊന്നാണ് കൃത്യമായ നൃത്ത ചലനങ്ങൾ. പുരുഷന്മാർ മാത്രമാണ് കൃഷ്ണനാട്ടത്തിൽ അഭിനയിക്കുന്നത്, സ്ത്രീ കഥാപാത്രങ്ങൾക്കും പുരുഷന്മാരാണ് വേഷമിടുന്നത്.കൃഷ്ണനാട്ടം, മുഖ്യമായും പരമ്പരാഗതമായ ഗംഭീരമായ വേഷഭൂഷണങ്ങൾ ഉപയോഗിക്കുന്നു.

കൃഷ്ണനാട്ടത്തിന്റെ തുടക്കം 1653-ലാണ്. സാ മൂതിരി മാനവേദരാജാവിന്റെ ന്റെ “കൃഷ്ണഗീതി ” എന്ന കൃതി അടിസ്ഥാനമാക്കിയായിരുന്നു കൃഷ്ണനാട്ടം. ഇതിലെ കഥകൾ ഭഗവാൻ കൃഷ്ണന്റെ ജീവിതത്തിലെ പ്രധാന സംഭവങ്ങളെ കോർത്തിണക്കിയതാണ്. പരമ്പരാഗത നൃത്തവും, സംഗീതവും, സമന്വയിപ്പിച്ച് ഒരു മനോഹരമായ നാടകസങ്കല്പം സൃഷ്ടിക്കുകയാണ് ഇതിലൂടെ ചെയ്തത്. കേരളത്തിന്റെ സാംസ്‌കാരിക പാരമ്പര്യത്തോടൊപ്പം കൃഷ്ണനാട്ടം, ഭഗവാൻ കൃഷ്ണന്റെ മഹിമയും ലീലകളും കാണികളെ മികവുറ്റ രീതിയിൽ ആസ്വദിപ്പിക്കുന്ന ഒരു കലാരൂപമായി നിലനിൽക്കുന്നു.