സായികൃപ കലാപുരസ്കാരം മണലൂര് ഗോപിനാഥിന്
പകര്ന്നാട്ടത്തിന് അംഗീകാരം
ക്ഷേത്രകലകളുടെ പ്രചരണത്തിനും വികാസത്തിനുമായി സമഗ്രസംഭാവനകള് നല്കുന്ന വ്യക്തിത്വങ്ങള്ക്കായി സായി സഞ്ജീവനി ട്രസറ്റ് ഏര്പ്പെടുത്തിയ പ്രഥമ സായികൃപ കലാപുരസ്ക്കാരത്തിന് മണലൂര് ഗോപിനാഥ് (ഓട്ടന്തുള്ളല്) അര്ഹനായി. പതിനൊന്നായിരത്തി ഒരു നൂറ്റി പതിനൊന്ന് രൂപയും പ്രശസ്തി പത്രവും പൊന്നാടയും ഗുരുമുദ്രയും അടങ്ങുന്നതാണ് പുരസ്കാരം. ഓട്ടന്തുള്ളലിനെ കുറിച്ച് സ്കോട്ട്ലാന്റ് ഗ്ലാസ്ഗോ യൂണിവേഴ്സിറ്റിയില് പ്രബന്ധമവതരിപ്പിച്ചതും, പകര്ന്നാട്ടം എന്ന പദ്ധതിയിലൂടെ ആയിരക്കണക്കിന് വിദ്യാര്ത്ഥികള്ക്ക് ഈ ക്ഷേത്രകലയെ അടുത്തറിയാന് അവസരമുണ്ടാക്കിയതും പുരസ്ക്കാര സമിതിയുടെ പ്രത്യേക പരാമര്ശത്തിന് അര്ഹമായി. വിജയദശമി ദിനത്തില് ഗുരുവായൂരില് പുരസ്ക്കാര സമര്പ്പണം നടക്കും.