ആനയെ പ്രതീകാത്മകമായി നടയിരുത്തി
ഗുരുവായൂര് ക്ഷേത്രത്തില് പ്രതീകാത്മകമായി ആനയെ നടയിരുത്തല് ചടങ്ങ് നടന്നു. ഇന്നു രാവിലെ ശീവേലിക്കു ശേഷമായിരുന്നു ചടങ്ങ്. ക്ഷേത്രം മേല്ശാന്തി പി.എസ് മധുസൂദനന് നമ്പൂതിരി മുഖ്യകാര്മികനായി. മൈസൂര് സ്വദേശി ഗോപാല് എസ് പണ്ഡിറ്റാണ് ആനയെ നടയിരുത്തിയത്. ഇതിനായി പത്തുലക്ഷം രൂപ ദേവസ്വത്തിലടച്ചു. ദേവസ്വം കൊമ്പന് ജൂനിയര് വിഷ്ണുവിനെയാണ് നടയിരുത്തിയത്. . ക്ഷേത്രം ഊരാളനും ദേവസ്വം ഭരണസമിതി അംഗവുമായ ബ്രഹ്മശ്രീ.മല്ലിശ്ശേരി പരമേശ്വരന് നമ്പൂതിരിപ്പാട് , ക്ഷേത്രം അസി.മാനേജര് സി.ആര്. ലെജുമോള്, അസി.മാനേജര് (ജീവ ധനം) ഇ.സുന്ദര രാജ്, പാരമ്പര്യവകാശികളായ മാദേമ്പാട്ട് ചന്ദ്രശേഖരന് നമ്പ്യാര്, കിഴക്കേ കണ്ടിയൂര് പട്ടം വാസുദേവന് നമ്പീശന് എന്നിവര് ചടങ്ങില് സന്നിഹിതരായി. വഴിപാടു നേര്ന്ന ഗോപാല് എസ് പണ്ഡിറ്റിന്റെ കുടുംബാംഗങ്ങളും ഭക്തജനങ്ങളും ചടങ്ങില് സന്നിഹിതരായി